ஆறும் ஊரும் புத்தக வெளியீட்டு விழா - 100 RIVERS OF TAMILNADU NEW BOOK ARUM URUM

DR.SASIKANTA DAS, HON.L.PAZHAMALI,
ARIVAZHAGAN & BHUMII GNANASOORIAN
ARUM URUM BOOK ON TAMIL RIVERS

100 RIVERS OF TAMILNADU

NEW BOOK ARUM URUM

ஆறும் ஊரும் 

(தமிழகத்தின் 100 ஆறுகளின் 

கதை சொல்லும் நூல்)

CTTE COLLEGE STUDENTS IN LARGE NUMBERS

சென்னை செவாலியர் டி தாமஸ் எலிசபெத் மகளிர் கல்லூரி (சி டி டி இ), பூமி அறக்கட்டளை, மற்றும் எவர்கிரீன் பப்ளிகேஷன்ஸ், இணைந்து நடத்திய"ஆறும் ஊரும்" புத்தக வெளியீட்டு விழா 24. 9 .24, வியாழன் அன்று சென்னை அண்ணா நூற்றாண்டு நூலகத்தின் நூல் வெளியீட்டு அரங்கத்தில் நடைபெற்றது.

இவ்விழாவில் சி டி டி இ மகளிர் கல்லூரி மாணவிகள் திரளாக கலந்து கொண்டார்கள்.

சி டி டி இ மகளிர் கல்லூரியின் தாளாளரும் மேனாள் ஐஏஎஸ் அதிகாரியுமான எல் பழமலை அவர்கள் சிறப்புரை ஆற்றினார்.

 PROFESSOR, DR.SASIKANTA DAS, RELEASED 
THE "ARUM URUM "A BOOK ON RIVERS.

முதல்வர், தாகூர் கலை அறிவியல் கல்லூரி, மற்றும் பாண்டிச்சேரி பல்கலைக்கழகத்தின் மேனாள் பதிவாளர், பேராசிரியர் முனைவர் சசிகாந்த தாஸ் அவர்கள் தலைமை உரையாற்றி பூமி ஞான சூரியன் எழுதிய "ஆறும் ஊரும்" நூலை வெளியிட்டார்.

சென்னை பெரம்பூர் சி டி டி இ மகளிர் கல்லூரியின் தாளாளர், எல் பழமலை மேனாள் ஐஏஎஸ் அதிகாரி, "ஆறும் ஊரும்" நூலின் முதல் பிரதியைப் பெற்றுக் கொண்டார்.

 சென்னை பெரம்பூர் செவாலிட்டி தாமஸ் எலிசபெத் மகளிர் கல்லூரியின் உதவி பேராசிரியை முனைவர் அ. கஸ்தூரி அவர்கள் நூல் மதிப்புரையை வழங்கினார்.

DR.A.KASTHURI, ASST. PROFESSOR,CTTEC

சென்னை பெரம்பூர் சி டி டி இ மகளிர் கல்லூரியின் நூலகர் மற்றும் முனைவர் சுமுகி பத்மநாபன் அவர்கள் தமது வரவேற்புரையில், தமிழகத்தில் இருப்பது இத்தனை ஆறுகளா என்று பிரம்மிக்க வைக்கிறது இந்த ஆறும் ஊரும் நூல் என்றார். 

சென்னை வேளச்சேரி ஸ்டேட் பாங்க் இன் மேல் நாள் தலைமை மேலாளர் எம் பாஸ்கரன் அவர்கள்  தமது வாழ்த்துரையில் மாசடைந்து வரும் ஆறுகளைக் காப்பாற்ற நம்மைத் தூண்டுவதாக உள்ளது இந்த ஆறும் ஊரும் நூல் என்று குறிப்பிட்டார்.

SUMUKI PADMANABAN, LIBRARIAN,CTTEC

M,BHASKARAN, FORMER CHIEF MANAGER
STATE BANK OF INDIA

சென்னை தமிழ் எழுத்தாளர் அறிவழகன் அவர்கள் விழாவில் பங்கேற்று  வாழ்த்துரை வழங்கும் போது இந்த சமூகத்திற்கு  கலாச்சார மேம்பாட்டினை வழங்கிய தமிழக ஆறுகள்பற்றிப் பேசும் முதல் தமிழ் நூல் இந்த ஆறும் ஊரும் என்று கூறினார்.

இறுதியாக ஆறும் ஊரும் நூலின் ஆசிரியர் பூமி ஞான சூரியன்,  நூலை வெளியிட்டோருக்கும் வாழ்த்துக்கள் மற்றும் பாராட்டுக்கள் வழங்கியோருக்கும், குறிப்பாக சென்னை பெரம்பூர் செவாலியர் தாமஸ் எலிசபத் கல்லூரி, மற்றும் விழாவில் திரளாக கலந்து கொண்ட  கல்லூரி மாணவிகளுக்கும் நன்றி தெரிவித்தார்.

 அத்துடன் கல்லூரி மாணவிகள் கேட்ட  கேள்விகளுக்கு ஆறும் ஊரும் நூலின் ஆசிரியர் பூமிஞான சூரியன்  பதில் அளித்தார்.

HOW TO SELECT THE LOCATIONS TO ESTABLISH CHECKDAMS - தடுப்பணைகளை எந்த இடத்தில் கட்டலாம் ?

CHECKDAMS - 90-100 % EFFICIENT FOR RECHARGE OF WATER

HOW TO SELECT THE LOCATIONS 

TO CONSTRUCT CHECKDAMS

தடுப்பணைகளை எந்த 

இடத்தில் கட்டலாம் ?

A CITY COLLEGE EDUCATE STUDENTS TO CONSERVE RIVERS - ஆறுகள் பாதுகாப்புக் கல்வி நூல் வெளியீடு

 

ஊர் கூடி 

தேர் இழுக்கலாம் 

வாங்க

(ஆறும் ஊரும்

தமிழ் நாட்டின் நூறு ஆறுகளின்

கதை சொல்லும் நூலிலிருந்து ஒரு பகுதி)

 நான் எழுதிய “ஆறும் ஊரும்” ஆறுகள் பற்றிய நூலை சென்னை “செவாலியே டி தாமஸ் எலிசபெத் மகளிர் கல்லூரி சிறப்பாக வெளியிட ஏற்பாடு செய்துள்ளது.

வெளியிடும் நாள்:26.09.24, வியாழன் நேரம்: காலை 10 மணி முதல் பிற்பகல் 1.00 மணி வரை.

இடம்: அண்ணா நூற்றாண்டு நூலகம், நூல் வெளியீட்டு அரங்கு, கோட்டூர்புரம்,

சென்னை -600025

வெளியிடுபவர்: பேராசிரியர்.

முனைவர் சசிகாந்த தாஸ்

முதல் பிரதி பெறுபவர்: திருமிகு.ஏ.பழமலை, (மேனாள்) ஐ ஏ எஸ், தாளாளர், செவாலியர்  டி தாமஸ் எலிசபெத் மகளிர் கல்லூரி, பெரம்பூர், சென்னை - 600011

விழா ஏற்பாடு: செவாலியர்  டி தாமஸ் எலிசபெத் மகளிர் கல்லூரி, பெரம்பூர், சென்னை - 600011

CTTE COLLEGE LAUNCHES A BOOK ON TAMIL RIVERS - மகளிர் கல்லூரி வெளியிடும் தமிழ் ஆறுகள் நூல்

STORY OF 100 RIVERS

மகளிர் கல்லூரி வெளியிடும் தமிழ் ஆறுகள் நூல்

CTTE COLLEGE LAUNCHES A BOOK ON TAMIL RIVERS

AARUM URUM

எழுதியவர் 
பூமி ஞானசூரியன்

நூலின் 15  சிறப்புகள்

1. தமிழகத்தின் 100 ஆறுகளை பதிவு செய்து வெளிவரும் முதல் நூல் இது. 

2.ஆறுகள் பிறக்குமிடம், சங்கமமாகும் இடம், பயன் தரும் விதம், அவற்றின் துணை ஆறுகள், கிளை ஆறுகள், அதன் பூர்வீகம், சரித்திரம், பூகோளம் அனைத்தையும் தொகுத்து தகவல் சொல்லும் ஆறுகளின் களஞ்சியம்.

3. “ஆறுகள், நகர்ப்புறங்களில் ஓடும் சமயத்தில், அதன் குப்பைகள் மற்றும் சாக்கடையை சேந்தியபடி  எப்படி அதன் நீர் மாசுபடுகிறது. “

4..“அறிவியல் ரீதியாக பிராணிகள் மற்றும் தாவரங்களுக்கு தாகம் தீர்க்காமல் எப்படி அது இறந்து போன ஆறுகளாக மாறுகின்றன ? “

5. “மாசடைவதால், பயன் தராமல் இறந்து போகும் ஆறுகளுக்கு மீண்டும் உயிர் தருவது எப்படி? “

6.“அப்படி இறந்து போன லண்டன் தேம்ஸ் ஆற்றினை எப்படி மீட்டெடுத்தார்கள் “?,

FIRST BOOK ON
100 RIVERS

இந்த  தகவல்களை எல்லாம்  சொல்லும் நூல் இது.

7.“நகரக் கட்டிடங்களில் வடியும் சாக்கடை நீரினை சுத்தம் செய்யாமல் ஆற்றில் விடுவதை எப்படித் தடுக்கலாம் ?”

8. “தடுத்த பின்னர் அதனை ஆற்றில் வடிப்பதன் மூலம் ஆறுகளை மீண்டும் எப்படி உயிர்ப்பிக்க முடியும் ?

8. எப்படி லண்டன் தேம்ஸ்  நதியை. உலகின் மிக சுத்தமான ஆறாக மாற்றினார்கள் ?”

இப்படி தேம்ஸ் நதியின் சரித்திரம் சொல்லும் முதல் நூல் இது.

9.“100 ஆண்டுகள் ஓடாத ஆர்வார் ஆறு உட்பட ஆறு ஆறுகளை  ராஜஸ்தான் மாநிலத்தில் ராஜேந்திர சிங் எப்படி. மக்கள் பங்கேற்புடன்  ஓட வைத்துள்ளார் ? “

10. அப்படி நாமும் தமிழக ஆறுகளை ஓட வைக்க முடியும் என்னும் நம்பிக்கை தரும் ஒப்பற்ற நூல் இது.

11. உலகின் மிக நீளமான செயற்கை ஆறு  சைனாவில் கிராண்ட் கெனால் ஆறு, அதன் நீளம் 1776 கி.மீ., இரண்டாவது நீளமான செயற்கை ஆறு ரஷ்யாவின் காரகம் ஆறு, அதன் நீளம் 1375 கி.மீ., மூன்றாவது ஆறு, 814 கி.மீ. ஓடும் ரஷ்யாவின் “சைமா கனால்” என்னும் ஆறு, நான்காவது நீளமான செயற்கை ஆறு நம்ம ஊரின் பக்கிங்காம் கெனால் இதன் நீளம் 765 கி.மீ.

12.உலகின் சுத்தமான 10 ஆறுகளில் முதல் இடத்தை பிடிப்பது லண்டன் தேம்ஸ் ஆறு. அந்த 10 ஆறுகளில் ஒன்றுதான். நமது டாவ்கி உம்மன் காட் ஆறு.

இந்த ஆறு ஓடும் இடம் மேகாலயாவின் ‘டாவ்கி’ என்னுமிடம். இந்த அரிய தகவலைத் தரும்  நூல் இது.

13.ஆசியாவிலேயே முக மிக உயரமான நீர் பாலம் உடைய ஆறு பரலியாறு. இது மேற்கு தொடர்ச்சி மலைச் சரிவில் மகேந்திரகிரி மலைகளில் உற்பத்தியாகும். கன்னியாகுமரி மாவட்ட ஆறு இது. இந்த புதிய தகவலை சொல்லும்  நூல் இது.

14.தண்ணீரில் நடந்து செல்லும் பிராணிகளை உடைய அமேசான் ஆறு உட்பட 15 அழகான சர்வதேச ஆறுகளைப் பற்றிய செய்திகளை தொகுத்து சொல்லும் சொல்லும் நூல் இந்த ஆறும் ஊரும்.

15. இன்னும் நூற்றுக்கணக்கான பல புதிய அரிய செய்திகளின் சிறப்பு தொகுப்பாக வெளிவந்துள்ளது இந்த ஆறும் ஊரும் புத்தகம்.

16. 252 பக்கங்கள் உடன் வெளிவந்துள்ள இந்த நூலின் விலை ரூபாய் 300. இந்த நூலைப் பெற விரும்புவோர். அன்புகூர்ந்து கீழ்க்கண்ட தொலைபேசி எண்களில் தொடர்பு கொள்ளுங்கள்.

பூமி ஞானசூரியன்

SEA OF SEA LIONS IN PACIFIC SEA - சிங்கத்தை அதன் குகையில் சந்திக்கலாமா ?

WORLD'S LARGEST SEA LIONS CAVE IN FLORENCE SEA CITY

Your way of description of silver falls in the National park is remarkable and also induces to visit that area. I will include this in my bucket list and definitely visit this place in my next trip to usa. Your write up reminded me about Silver cascade of Kodaikanal. 

V.Sambasivam IFS (Retd)

Washington DC, USA

HACETA LIGHT HOUSE வெளிச்ச வீடு

 Your way of description of silver falls in the National park is remarkable and also induces to visit that area. I will include this in my bucket list and definitely visit this place in my next trip to USA. Your write up reminded me about Silver Cascade of Kodaikanal. Just opposite to silver cascade in Kodaikanal the forest look very sparse and my boss suggested to create pine forest and improve aesthetic view of the locality. I planted pinus Paula trees during 1980 and the trees have grown well and changed the environment.

V.Sambasivam IFS (Retd)
Washington DC, USA

SILVER FALLS குதிரைவால்

Your article reminded me way back 59 years. While I was in Forest college we have visited coniferous forest on Himalayas. I had good occasion of serving in Kodaikanal and Ooty experienced locality factors of high elevation forestry particularly ever green forest. Your description very well tallied . Worth reading this article. The author has taken lot of pain and explained very vividly .Wish him all the best

V.Sambasivam IFS (Retd)
Cleveland. USA

LAKE CREASANT கிரசெண்ட் ஏரி

LAKE CRESCENT 

DEAR SURYA

Each place of your visit and the letter you write about them is more exhaustive, informative and interesting to read. Continue your writing and keep rocking on. Our best wishes for your healthy and long life with more energy to write more and more.

With Regards

Dr.K.Chinnadurai

Chennai,

Dear Annachi,

Thank you so much for your extraordinary comments on my writings. With all your support I wish to give more to this community. Moreover day by day I am learning. It gives me immense pleasure. I am growing even today. Read my letters and motivate me.

Bhumii Gnanasoorian

MAKE YOUR HEART LIKE A LAKE WITH A CALM, STILL SURFACE AND GREAT DEPTHS OF KINDNESS - LAO TZU

ALPINE ECOSYTEMS OF OLYMPIC NATIONAL PARK ஒலிம்பிக் தேசிய பூங்காவின் ஆல்பைன் சூழல் செய்திகள்

ALPINE AREA IN OLYMPIC NATIONAL PARK

ஒலிம்பிக் தேசிய பூங்காவின் 

ஆல்பைன்  சூழல்  செய்திகள்

ALPINE ECOSYTEMS OF

OLYMPIC NATIONAL PARK

அன்பின் இனிய நண்பர்களே. வணக்கம். எப்படி இருக்கிறீர்கள்? உங்கள் குடும்ப உறுப்பினர்கள் அனைவருக்கும் எனது அன்பு விசாரிப்புகள்.

இந்த கடிதத்தில்  ஒலிம்பிக் தேசிய பூங்கா பகுதியில் மிகவும் உயரமான பகுதியில் உள்ள ஆல்பைன் சூழல் பகுதிக்கு நேரடியாகச் சென்று, பார்த்து அதுபற்றி ஆய்வுசெய்து நான் தெரிந்துகொண்ட   செய்திகளை உங்களுக்கு சொல்லுகிறேன்.

ஒலிம்பிக் மலை தேசிய காடுகளின் ஆல்பைன் ஈகோ சிஸ்டம் எனும் உயர்வான மலைப்பகுதியில் நிலவும் வித்தியாசமான தட்ப வெப்பநிலை மற்றும் சூழல் பற்றி முதலில் பார்க்கலாம்.

சாதாரணமாக சமவெளியின் சூழலுக்கும். மலைப்பகுதியின் சூழல் மற்றும் தட்பவெப்ப நிலைக்கும் வேறுபாடு இருக்கும் என்பது உங்களுக்கே தெரியும்.

SNOWY WINDY AREA

கொடைக்கானல் ஊட்டி மலைப்பகுதிகளில் கூட 4500 அடி உயரத்திற்கு மேல் போனால் அங்கு வெப்பம் குறைவாக இருக்கும். காற்றின் வேகம் அதிகமாக இருக்கும்.

அனால் அங்கு தாவரங்கள் வளரும் காலகட்டம் குறைவாக இருக்கும். அது பற்றி நமக்குத் தெரியாது. அதனால் அங்கு மரங்கள் மற்றும் தாவரங்களின் வளர்ச்சி குறைவாக இருக்கும்.

இதைத்தான் சுருக்கமாக நாம் ஆல்பைன் சூழல் என்று சொல்லுகிறோம்.

இங்கு நாங்கள் பார்த்த இடம் 4500 அடிக்கும் உயரமான மலைச்சரிவுகள்தான். இங்கு மரங்கள் அதிகம் இல்லை. புல்வெளிகள் மட்டும் பரந்து விரிந்திருந்தது.

அவற்றினூடாக காட்டு பூக்கள் திட்டு திட்டாக பூத்திருந்தது. மலை முகடுகளை பக்கமாகப் பார்த்தோம். அவற்றை அரையும் குறையுமாக மேகங்கள் மூடியிருந்தது.

CHILLNESS BEYOND
SWETTER

உங்கவீட்டு குளிர் எங்கவீட்டு குளிர் என்று சொல்ல முடியாது. கைகால்கள் மரத்துப்போவது தெரிந்தது. ஈரக்காற்று குளிரை வாரி வீசிக்கொண்டிருந்தது. அது சொட்டர் ஜெர்க்கினைத் தாண்டி உள்ளே நுழைந்துகொண்டிருந்தது.

இதுதான் ஆல்பைன் பகுதி.

இதனை நாம் உயரமான மலைப்பகுதி என்று சொன்னால் புரியும். இதனை மரங்கள்  இருக்கும் பகுதி அல்லது மரங்கள் வளரும் பகுதி  (TIMBER LINE OR TREE LINE) என்று சொல்லுகிறார்கள்.

இந்த மர வரிசைக்கு மேலே மரங்கள் வளர்வது சிரமம் என்பதை நாம் புரிந்து கொள்ள வேண்டும்.  அங்கு மரங்கள் அதிகம் இருக்காது. மரங்கள் இருந்தாலும் அவற்றின் வளர்ச்சி சரியாக இருக்காது.

மரங்கள் இல்லாத இந்த பகுதியையும் இரண்டாக பிரிக்கிறார்கள். அவை மரங்கள் வளராத மிதமான உயரமான பகுதி மற்றும் மரங்கள் வளராத மிகையான  உயரமான பகுதி.

இப்போதைக்கு ஆல்பைன் என்பதை மட்டும் ஞாபகத்தில் வைத்துக் கொள்ளுங்கள். இது மரங்கள் வளராத பகுதி. புல்வெளி பரந்திருக்கும் இருக்கும் பகுதி. காட்டுப் பூக்கள் பூத்திருக்கும் பகுதி.

WILD FLOWERS

ஒலிம்பிக் தேசிய பூங்காவின் சப்ஆல்பைன் பகுதிகளில் (SUB ALPINE AREA) உள்ள புல்வெளிகளில், பள்ளத்தாக்குகளில் லுப்பினஸ் (LUPINS), பெயிண்ட் பிரஷ்(PAINT BRUSH), அவலாஞ்சி லில்லி(AVALANCHE LILY) ஆகிய காட்டுப் பூக்கள் அதிக அளவில் இருக்கின்றன.

இந்த காடுகளின் நிலப்பகுதியில் போர்வை யாக நிலத்தின் மேல் இருக்கும். வெப்பநிலையை சூடு தணியாமல் காற்று மற்றும் குளிரிலிருந்து பாதுகாக்கன்றன.

அவற்றை குஷன் பிளாண்ட்ஸ் (CUSHION PLANTS) என்று சொல்லுகிறார்கள். இதனை, முட்டிகாலுக்குக் கீழே வளரும் செடிகள் என்கிறார்கள். இதனை ஆங்கிலத்தில்  லோ குரோயிங் பிளாண்ட்ஸ் (LOW GROWING PLANTS) என்றும் சொல்கிறார்கள்.

இவைதான் ஆல்பைன் செடிகள். புற்கள், செட்ஜஸ், ஃபோர்ப்ஸ், மாஸ், மற்றும் லிச்சன்கள் (GRASSES, SEDGES, FORBS, MOSS, LICHENS) இவை எல்லாமே ஆல்பைன் வகையறாக்கள்தான்.

ஆல்பைன் காடுகளில் மரங்கள் வளராது. அப்படி வளர்ந்தால் அவை குட்டையாக வளரும். அதிலும் குறிப்பாக சிலவகை மரங்கள்தான் வளரும். அவை சில்வர் ஃபிர், பைன், ஜூனிப்பெர், மற்றும் பிர்ச் (SILVER FIR, PAIN, JUNIPER, BIRCH).

அதாவது தரையை ஒட்டி உயரம் குறைவாக வளர்ந்து நிலப்பரப்பை போர்வை போல கட்டிப் பிடித்துக் கொண்டிஇருக்கும் தாவரங்கள் (MAT FORMING PLANTS) அல்லது செடிகள் என்று சொல்லலாம்.

CUSHION PLANT MOSS 

இந்த வகைச் செடிகளில் தாவரங்களில் முக்கியமாக குறிப்பிடப்படுவது மாஸ் எனும் பாசிகள். இந்த மாஸ் இன்னும் பாசிகள் இந்த மரங்களின் அடிமரம், கிளைமரம், சிம்புகள், குச்சிகள், அங்கிருக்கும் பாறைகள்,  நிலப்பகுதி இப்படி எல்லாவற்றின் மீதும் பச்சை கம்பளியால் போர்த்தி இருப்பது போல இருக்கின்றன.

இப்படி மரங்கள் மாஸ் அணிந்திருப்பதை இந்த ஹாக் மழைக்காட்டின் (HOH FOREST)தொடக்கத்தில் இருந்தே என்னால் பார்க்க முடிந்தது. கடல்மட்டத்திலிருந்து 3000 அடிக்கு மேற்பட்ட நிலப்பரப்பிலேயே இதுபோலப் பார்க்க முடியும்.

நான் நிறைய பாசி பிடித்த குளங்களை பார்த்திருக்கிறேன். பாசிபிடித்த மரங்களை இப்போதுதான் வாஷிங்டன் மாநிலத்தில், மழைக்காடுகளில் பார்க்க முடிகிறது.

ஆல்பைன் பகுதியில் மரங்கள் வளராது. அப்படி வளர்ந்தால் அவை அதன் வளர்ச்சி சூம்பிப்போனதாக இருக்கும் என்று சொன்னேன். இதனை அறிவியல் ரீதியாக கிரம் ஹோல்ட் ஃபார்மேஷன் (KRUMKOLTZ FORMATION) என்கிறார்கள்.

TREE WITH KRUMKOLTZ FORMATION

அப்படி என்றால்.ஒழுங்கற்ற வளர்ச்சி. சூம்பிப்போன வளர்ச்சி. இப்படியெல்லாம் சொல்லலாம். இதுபற்றி இன்னும் கொஞ்சம் விளக்கமாகச் சொல்லுகிறேன்.

இந்த மரங்கள் மேலே எழும்பி வளராது. கொடிபோல படர்ந்து வளரும். ஆனால் இதன் கிளைகளை யாரோ திருகி வைத்தது போல தென்படும்.

இது காற்று மற்றும் குளிராலும் பாதிக்கப்பட்ட பகுதி என்று  பொருள். இங்கு கிளைகளின் வளர்ச்சி மேல்நோக்கி வளராமல் பக்கவாட்டில் நீண்டு வளரும்.

பனி, ஓடைகள் அல்லது பனி ஆறுகள் என்று சொல்லும் கிளேசியர்கள், அவற்றால் ஏற்படும் பள்ளத்தாக்குகள், இந்த மழைக்காடுகளின் வளர்ச்சியில், சூழல் தன்மையினை நிர்ணயிப்பதில் முக்கிய பங்கு வகிக்கின்றன.

ஒலிம்பிக் மலைப்பகுதிகளில் இருக்கும் தாவர வகைகள் பிற இடங்களில் இருப்பதில்லை. குறிப்பாக ஒலிம்பிக் மவுண்டென் பகுதியில்  இருப்பவை.

பக்வீட் எனும் நெளிகோதுமை (BUCK WHEAT)எனும் தாவரம்.

ஒலிம்பிக் சிப்மன்க் எனும் ஒருவகை அணில் (OLYMPIC CHIPMUNKS).

இவை பிற மலைப்பகுதிகளில் இருப்பதில்லை.

பனிஆறுகள் அல்லது ஓடைகள் அவற்றால். உருவாகும் புல்வெளிகள். சிர்க்கியூஸ் மற்றும் மொரைன்கள் (CIRQUES & MORAINES) தீர்மானிக்கப்படுகின்றன.

கிளேசியர்- பனிஆறு.

சிர்க்யூஸ் – மலை இடுக்குகளின் ஊடாக பனி நீர் நிரம்பிய சிறு ஏரி.

மொரைன் – பாறைகள், பாறைப்பொடி, மண்சேறு கலந்த வண்டல் அத்துடன் உருகிய பனி.

மேலும் இந்தப் பகுதியின். சுற்றுச்சூழலை தீர்மானிப்பவை இந்த பனி ஆறுகள்தான்.

VERY HARSH
WEATHER

ஆல்பைன் பகுதியின் முக்கியமான அம்சம், எல்லாக் காலத்திலும் பனியின் ஆக்கிரமிப்பு இருந்து கொண்டே இருக்கும். இதனைப் பனிப் பிரதேசம் என்று சொல்லலாம்.

கோடையிலும் பனி மூடி இருப்பதால். இப் பகுதியின் ஓடைகள் மற்றும் ஆறுகளில் எல்லா காலங்களிலும் நீர் வரத்து இருக்கும்.

ஒலிம்பிக் மர்மட். மவுண்ட்ன் கோட்ஸ் மற்றும் கருங்கரடிகள். இவை எல்லாம். இந்த பகுதிக்கான அதாவது ஆல்பைன்சூழல் விலங்குகள் அல்லது பிராணிகள் என்று சொல்லலாம்.

ஆல்பைன் பகுதியில் இருக்கும் மிகையான மற்றும் கடுமையான தட்ப வெட்ப நிலையினால் இங்கு இருக்கும்  பல உயிரினங்கள் மற்றும் செடி கொடிகள் அருகி போகின்றன.

ஆல்பைன் சுற்றுச்சூழலுக்கு சவாலாக இருப்பவை, காலநிலை மாற்றம், நகர்மயமாதல், சுற்றுலா மற்றும் மனிதச்செயல்பாடுகள்.

அன்பின் இனிய நண்பர்களே. இதுவரை. ஒலிம் பிக். தேசிய பூங்காவின். ஆல்பைன் பகுதியின் வித்தியாசமான. சுற்றுச்சூழல். பண்புகள் பற்றி பார்த்தோம். மீண்டும் அடுத்த கடிதத்தில் சந்திப்போம். 

உங்கள் கருத்துக்களை கமெண்ட் பகுதியில் பதிவிடுங்கள். 

மீண்டும் அடுத்த கடிதத்தில் சந்திப்போம். 

நன்றி வணக்கம். 

பூமி ஞானசூரியன்.

RAIN FORESTS OF OLYMPIC NATIONAL PARK ஒலிம்பிக் தேசிய பூங்காவின் மழைக் காட்டு மரங்கள்.

கடிதம்:

OLYMPIC NATIONAL PARK 

ஒலிம்பிக் தேசிய 

பூங்காவின்

மழைக் காட்டு 

மரங்கள்.

RAIN FORESTS OF

OLYMPIC NATIONAL PARK

அன்பின் இனிய நண்பர்களுக்கு வணக்கம்.

நீங்கள் எப்படி இருக்கிறீர்கள்? சௌக்கியமா ?  உங்கள் குடும்ப உறுப்பினர்களுக்கு எனது விசாரிப்புகள்.

இன்றைக்கு நான்  வாஷிங்டன் மாநிலத்தில் இருக்கும் ஒலிம்பிக் தேசிய பூங்காவில் மழைக்காட்டிற்கு போனது பற்றி எழுதி இருந்தேன்.

அந்த மழைக்காட்டில் என்னென்ன மரங்கள் இருக்கின்றன என்று உங்களுக்கு சொல்லுகிறேன். நமக்கு தெரியாத மரங்கள்தான்.

ஆனாலும் அவைபற்றி உங்களுக்கு சொல்லலாம் என்று நினைக்கிறேன்.

அமெரிக்காவில் வாஷிங்டன் மாநிலத்தில் போர்ட்டுஏஞ்சலஸ் பகுதியில் இருப்பது உங்களுக்கு தெரியும். அங்கிருந்துதான் நாங்கள் புறப்பட்டுப் போனோம்.

மழைக்காடு என்றால் நாம் கேள்விப்பட்டிருப்போம். பார்த்திருக்க மாட்டோம்.

வெப்ப மண்டலத்தில் இருக்கும் மழைக்காடுகளை நாம் பார்ப்பதற்கு வாய்ப்பு உண்டு. ஆனால். குளிர் பிரதேசத்தில் இருக்க கூடிய மழைக் காடுகளை பார்ப்பதற்கான வாய்ப்பு மிகவும் குறைவு.

HOG RAIN FOREST 1

அப்படிப்பட்ட ஒரு மழைக்காட்டிற்குத்தான் நான் போயிருந்தேன். அது ஒரு வித்தியாசமான அனுபவமாக இருந்தது.

இந்த மழைக்காட்டில் இருக்கும். 10 விதமான மரங்களை நான் தெரிந்துகொண்டேன்.அவற்றை உங்களுக்கு  அறிமுகம் செய்கிறேன். ஒருவேளை நீங்கள் அமெரிக்கா போனால் அதிலும் குறிப்பாக வாஷிங்டன் மாநிலத்துக்கு செல்ல வேண்டியிருந்தால். மறக்காமல்  போர்ட்ஏஞ்சலஸ் நகருக்கு அருகில் இருக்கும் இந்த. ஒலிம்பிக் தேசிய பூங்காவிற்கு மறக்காமல் போய்ப் பாருங்கள்.

HOG RAIN FOREST TREES 2

அங்கு போனால் இந்த மழைக்காட்டின் அதிசயமாக இருக்கும் இந்த மரங்களைப்   பாக்கலாம். இது உங்களுக்கு ஒரு வழிகாட்டியாக இருக்கும் என்று நான் நம்புகிறேன்.

நாம் இப்போது காட்டுக்குள் செல்லலாம் வாருங்கள்.

முக்கியமாக மழை காட்டில் இருக்கும் 10 மரங்கள் அவற்றின் மீது படர்ந்து இருக்கும் மாஸ் மற்றும் லிச்சன்கள்கள், பெரணிகள் ஆகியவற்றை பற்றி தான் சொல்ல போகிறேன்.

HOH RAN FOREST TREES 3

ஸ்பூரூஸ்,  ஹேம்லக்,  ஃபிர், மேப்பிள், ஆல்டர், செடார். பாப்ளார், ஈவ் ஆகிய எட்டு மர வகைகளைப் பற்றி நான் உங்களுக்கு சொல்ல இருக்கிறேன்.

சிட்கா ஸ்புரூஸ் (SITKA SPRUCE)என்ற மரம் தான் ஹாக் மழைக்காட்டின் (HOG RAIN FOREST) மிக உயரமான மரம் என்று சொல்லலாம். இதன் அறிவியல் பெயர் சியா? சிட்டிசன்சிஸ் (PICEA SITCHENSIS) என்பது. இந்த மரத்தை இந்த மழைக் காட்டின் மகாராணி (QUEEN OF RAIN FOREST)என்று சொல்லுகிறார்கள்.

குறிப்பாக. கடலோரசூழல் பகுதியில்(COASTAL ECO SYSTEM) வளர இது ஏற்புடைய மரம் . கப்பல் கட்ட இசைக் கருவிகள் செய்ய. காலம்காலமாக இதனை பயன்படுத்தி வருகிறார்கள்.

இதற்கு ஏற்றவாறு இந்த மரங்கள் உறுதியாகவும் எடை குறைவாகவும் இருக்கின்றன.

வெஸ்ட்டர்ன் ஹேம் லாக் (WESTERN HAMLOCK) மரம். இது வாஷிங்டன் மாநிலத்தின் மாநில மரம். ஹாக் மழைக்காட்டில் அதிக எண்ணிக்கையில் இருக்கும் மரங்கள். அதிகப்பட்சமாக 200 அடி உயரம் வரை வளரும். ஜீ

 இந்த மரங்கள் தான் அதிகமான அளவில் கட்டுமானப் பணிகள் மற்றும் காகித உற்பத்திக்கும் பயன் ஆகிறது.

இந்த மழைக் காடுகளில் இருக்கும் மூன்றாவது முக்கிய மரம் டவுக்ளஸ் ஃபிர். இதன் அறிவியல் பெயர் சூடாட் சுகா  மென்செஸி.

HOH RAIN FOREST
TREES 4

பசிபிக் கடலின்  வடமேற்கு பகுதியில் அதிகம் காணப்படும் மரம் இது. அதிகப்பட்சமாக 250 அடி உயரத்திற்கு வளரும். உறுதியான மரம், கட்டுமானம், மரச்சாமான்கள், மேசை, நாற்காலி மற்றும் காகிதம் செய்ய ஏற்ற மரம்.

நான்காவதாக முக்கியமான மரம். பிக் லிஃப் மேப்பிள் மரங்கள் (BIG LEAF MAPLE) இதன் இலைகள் பிரபலமானவை. பெரியவை. இதன் குறுக்களவு 12 அங்குலம் வரை இருக்கும்.

ஆனால் மரங்கள் அதிக பட்சம் 100 அடி உயரம் தான் வளரும். எபி ஃபைட்ஸ் என்னும் மாஸ் பேரணி போன்றவை வளர இடம் தரும்.

இந்த மரங்களில் மேஜை, நாற்காலி, இசைக்கருவிகள் மற்றும் மரச்சாமான்களை அழகுபடுத்தும் வீனீர் (VINEER) தயாரிக்கவும் இது உதவும்.

சிவப்பு ஆல்டர் மரம். இதன் அறிவியல் பெயர். ஆல்னஸ் ரூப்ரா (ALNUS RUBRA)என்பது. இந்த மரங்கள் 80 அடி உயரம் வரை வளரும். இவை நைட்ரஜன் என்னும் தழைச்சத்தை நிலைப்படுத்தி மண்வளத்தை மேம்படுத்துவதில் முக்கிய பங்கு வகிக்கிறது.

மரச்சாமான்கள், பெட்டிகள் மற்றும் காகிதக்கூழ் தயாரிக்க இதன் மரங்கள் அதிகமாக பயன்படுகின்றன.

HOG RAIN FOREST
TREES 5

ஆறாவதாக வைன் மேப்பிள்(VINE MAPLE ) மரங்கள். மிகவும் சிறிய மரங்களாக இவை வளரும். அதிகபட்சமாக 30 அடி உயரம்தான் வளரும். இதன் கிளைகள் மேலே எழும்பி வளராமல் கொடிபோல படர்ந்து வளரும்.

மண்ணை அரிப்பை கட்டுப்படுத்த ஓடைக் கரைகளில் நடலாம். வனவிலங்குகளுக்கு இது உணவு தருகிறது. அத்துடன் இந்த மரங்களை அழகுக்காக வளர்க்கலாம்.

வெஸ்டன் ரெட்செடார் மரங்களும் உயரமாக வளரக்கூடியவை. 230 அடிவரை வளரும். இதன் அடி, மரங்கள் உள்ளீடு அற்றவைகளாக இருக்கும். பழங்குடி மக்களுக்கு மிகவும் உபயோகமான மரம் இது.

நாட்பட உழைக்கும் தன்மை உடையது.

வீடு கட்ட.

ஒரு மர படகு செய்ய.

கட்டுமானம்

ஆகியவற்றிற்கு உபயோகமாகும்.

இந்த மரத்தை அறுக்கும் போது நல்ல அருமையான வாசம் வீசும்.

HOH RAIN FOREST
TREES 6

பிளாக் காட்டன் வுட்(BLACK COTTON WOOD TREE) மரம் தான் அதிகமான அளவில் அமெரிக்காவில் இருக்கும் பாப்புலர் (POPLAR) மரங்கள்.

இவை 150 அடி உயரம் வரை வளரும்.

வேகமாக வளரும் மரம்.

ஆற்றங்கரைகள் மற்றும் ஓடைக் கரைகளில் நன்கு வளரும்.

வனவிலங்குகளுக்கு உதவியாக இருக்கும்.

காகிதம் தயாரிக்கலாம்.

பிளைவுட் போன்றவை தயாரிக்கலாம்.

அடுத்து பகிஃபிக் ஈவ் என்பது. இது ஒரு சிறிய மரம்.

மெல்ல வளரும்.

சுமார் 50 அடி உயரம்தான் வளரும்.

முக்கியமாக மருத்துவ குணங்கள் கொண்டது.

இதன் பட்டையில் இருந்து புற்றுநோயை குணப்படுத்தும் மருந்துகள் தயார் செய்கிறார்கள்.

HOG RAIN FOREST
TREES 7

இந்த மரங்களை கடைசல் வேலைகள் மற்றும் வில் அம்புகள் செய்ய பயன்படுத்துகிறார்கள்.

சிட்கோ ஆல்டர்  (SITCO ALDER)மரங்கள்.

குறைவான உயரம் வளரும்.

அதிகபட்சமாக 20 - 30 அடி உயரம் வளரும்.

இந்த மரமும் மண் அரிமானத்தை கட்டுப்படுத்தும்.

மண் வளத்தைக் கூட்டும்.

இந்த கடிதத்தில் இதுவரை ஹாக் மழைக்காடுகளில் பெருமளவில் இருக்கும் 10 வகையான மரங்கள் பற்றிச் சொன்னேன்.

இந்த மரங்களை போர்த்தி இருக்கும் மாசு எனும் பாசிகள் பற்றி ஏற்கனவே நாம் பார்த்தோம்.

இந்த கடிதம் பிடித்திருந்தால் உங்கள் கருத்துக்களை கமெண்ட் பகுதியில் பதிவிடுங்கள்.

ஒலிம்பிக் தேசிய பூங்காவின் முகவரி:

OLYMPIC NATIONAL PARK

VISITOR INFORMATION: (360) 565-3130

600 EAST PARK AVENUE

PORT ANGELES, WA 98362-6798

மீண்டும் அடுத்த கடிதத்தில் சந்திப்போம்.

நன்றி வணக்கம்.

பூமி ஞானசூரியன்.

gsbahavan@gmail.com

HOH RIVER’S ROLE IN ECOSYSTEM AND LIVELIHOODS வாழ்வாதாரம் மற்றும் சூழல் காக்கும் ஹாக் ஆறு

பயணக்கட்டுரை என்ற இலக்கியத்தில் ஒரு புதிய பரிமாணத்தைச் சேர்த்திருக்கிறார் நண்பர் ஞானசூரியன். இவர் இதனை ஒரு கவிதையாக ஓவியமாக, ஒரு திரைக்கதையாக படைத்திருக்கிறார்.

ஆ.கிருட்டிணன், மேனாள் உதவிப் பொது மேலாளர், ஸ்டேட் பேங்க் ஆஃப் மைசூர்.