TIRUNELVELI DISTRICT AHUTHAKANNIYAR RIVER திருநெல்வேலி மாவட்ட அழுத கண்ணியார் ஆறு

 

அழுத கண்ணியார் ஆறு, திருநெல்வேலி மாவட்டத்திற்கு சொந்தமான ஆறு. சிற்றார் ஆற்றின் துணை ஆறுகளில் ஒன்று. இது தாமிரபரணி ஆற்றுடன் திருநெல்வேலியில் சேருகிறது.

அழுதகண்ணியாறு மேற்கு தொடர்ச்சி மலையின் (WESTERN GHATS) கிழக்கு பகுதியில் பிறக்கிறது. பழைய குற்றாலம் நீர்வீழ்ச்சி (OLD COURTALLAM FALLS)இந்த ஆற்றில் தான் உள்ளது. புதிய நீர்வீழ்ச்சியிலிருந்து 8 கி.மீ. தொலைவிலும், தென்காசியிலிருந்து 11 கி.மீ. தொலைவிலும் உள்ளது.

இந்த ஆற்று நீர் மருத்துவ குணங்கள் (MEDICINAL PROPERTIES)நிறைந்தது, பல நோய்களை குணப்படுத்தும் சக்தி வாய்ந்தது என்றும் சொல்லுகிறார்கள்.

அழுதகண்ணியார் பிறக்கும் இடத்தில் இருந்து இந்த ஆறு 10 கிலோமீட்டர் ஓடுகிறது பின்னர் கடப்பகொத்தி என்ற கிராமத்தில் இந்த ஆறு சிற்றாருடன் சேர்கிறது.

இந்த ஆற்றுக்கு ஏன் அழுகை கண்ணியார் ஆறு என்று பெயர் வைத்தார்கள் என்று உங்களுக்கு தெரியுமா ?

GNANASURIA BAHAVAN D

gsbahavan@gmail.com

KARNATAKA RIVER ARKAVATHI - கர்நாடகாவின் அர்க்காவதி ஆறு

அர்க்காவதி ஆறு  அழகு தோற்றம்

 

அர்க்காவதி ஆறு காவிரியின் துணை ஆறுகளில் ஒன்று. கர்நாடகாவில் நந்தி மலையில் சிக்பல்லாபூர் மாவட்டத்தில் உற்பத்தி ஆகி, சுமார் கோலார் மற்றும் பெங்களூர் ஆகியவற்றின் வழியாக 190 கி.மீ. ஓடி, பெங்களூர் நகரில் 20 சதவிகித தண்ணீர் தேவையை நிறைவு செய்து, கனகபுரம் அருகில் சங்கமம் என்னும் இடத்தில் காவிரியுடன் சங்கமம் ஆகிறது அர்க்காவதி ஆறு. 

ஐந்து துணை ஆறுகள் (TRIBUTORIES OF ARKAVATHI)

இந்த ஆறு செக்கராயனஹள்ளி என்ற ஏரியில் போய்ச் சேருகிறது. விருசாபவதி, ஸ்வர்ணமுகி, அந்தரமுகி, தேவமுகி, குமுதாவதி, ஆகிய ஐந்து ஆறுகளும் அக்காவதி ஆற்றின் முக்கியமான துணை ஆறுகள்

இந்த ஆறு ஹரோசிவனஹல்லி என்ற இடத்தில் நீர்வீழ்ச்சியாக விழுந்து, பின்னர் மேகதாது என்ற இடத்தில், காவிரியுடன் சங்கமம் ஆகிறது. 

அர்க்காவதியின் ஆரம்பகால சரித்திரம் (EARLY HISTORY OF ARKKAVATHI)

1891 ல் பெங்களூரின் மக்கள் தொகை  180000 இருந்த சமயம், குடிநீர் வசதி செய்துதர இந்த ஆற்றின் குறுக்கே ஹசர்காத்தா என்ற இடத்தில் ஒரு அணைகட்ட ஏற்பாடு ஆனது. 1918 ல் பெங்களூரின் மக்கள்தொகை இரண்டரை லட்சமாக ஆனது. 1933 ல் திப்பகொண்டனஹள்ளி என்ற இடத்தில் ஒரு  நீர்த்தேக்கம் அமைக்க ஏற்பாடு ஆனது. 1956 ல்  பெங்களுரின் மக்கள் தொகையின் நீர்த்தேவையை  ஆர்க்காவதியால் நிறைவு செய்ய முடியாமல் போக அவர்கள் கவனம் காவிரியின் பக்கம் திரும்பியது.  

நகரங்களின் மறுபெயர்  சாக்கடையா ? (CITIES  ALIAS SEWAGE & GARBAGE)

1980 களில் கடுமையான நகர் மயமாகும் சூழலால் ஆர்க்காவதி அசுத்த நதியாக மாற்றினோம். தண்ணீரை தனமாக்க் கொடுத்த நதிக்கு நாம் சாக்கடையை தானமாகக் கொடுத்தோம். நமது சுய நலத்தின் மறுவடிவம்தான் ஆறுகளில் வடிக்கப்படும் சாக்கடை, ஆற்றங்கரைகளில் கழிக்கும் மனித மலம், கொட்டப்படும் குப்பைகள், எல்லாம்.   

சீரமைக்கும் சிறு சங்கங்கள் (RIVER RESTORATION GROUPS)

2005 ஆம் ஆண்டு ஆர்க்காவதி குமடாவதி ஆறுகள் புனரமைக்கும் திட்டத்தை செயல்படுத்த ஒரு சங்கம் அமைத்தார்கள். அதில் பெரிய முன்னேற்றம் எதுவும் ஏற்படவில்லை. இது போன்ற ஆறுகளை பாதுகாத்து பராமரித்து மேம்படுத்துவதற்கு என சிறு சங்கங்களை அமைத்து தொடர்ந்து விழிப்புணர்வுப் பணியைச் செய்ய வேண்டும்..

விழிப்புணர்வு வேண்டும் (MUCH NEEDED AWARENESS)

பெங்களூர் மாநகரத்தின் கழிவுகளால் பெருமளவு ஆர்க்காவதி ஆறு மாசுபடுகிறது. ஆர்க்காவதி ஆறு மட்டுமல்ல, நகரங்களின் வழியாக ஓடும் அனைத்து ஆறுகளுக்கும் இந்த பிரச்சனை உண்டு.

இந்தப் பிரச்சினையைத் தீர்க்க வேண்டும் என்றால் அந்தந்தப் பகுதியில் வசிக்கும் மக்கள் விழிப்புணர்வு பெறும்வரை இது நீடிக்கும். அதற்காக ஆட்சியாளர்களுக்கு விழிப்புணர்வு வேண்டாம் என்று அர்த்தம் இல்லை.

எல்லோருக்கும் வேண்டும் விழிப்புணர்வு. மூக்கைப்பிடித்துக் கொண்டு அசுத்தங்களைத் தாண்டிச்செல்லும் நாகரீகம் நமக்கு வேண்டுமா?

இதுவரை உங்கள் ஊரில் இது போல உங்கள் உள்ளூர் ஆறுகளை புனரமைக்கும் அல்லது சீரமைக்கும் குடிமராமத்து சங்கங்கள் ஏதாவது அமைத்திருக்கிறீர்களா ? 

GNANASURIA BAHAVAN D

gsbahavan@gmail.com

CUDDALORE DISTRICT RIVER PARAVANAR - கடலூர் மாவட்ட பரவனாறு

 

பரவனாறு படுகை

நெய்வேலி சுற்றுவட்டார பகுதியில் இருக்கும் சேமகோட்டை, ராகவன் குப்பம், கோவிலாங்குளம் ஆகிய பகுதிகள் மற்றும் நெய்வேலி நிலக்கரி சுரங்கப் பகுதிகளில் இருந்தும் வடியும் நீர்தான் பரவனாறு எனும் ஆறாக ஓடுகிறது.

சிறிய ஆற்றுப்படுகை (AYACUT AREA)

ஓர் ஆராய்ச்சி நிலைய புள்ளி விவரப்படி, தமிழ்நாட்டில் இருக்கும் மொத்த ஆறுகள் 34, ஆற்றுப்படுகைகள் என்பது 17,  இவற்றில் பரவனாறு படுகையும் ஒன்று. தமிழ்நாட்டில் உள்ள ஆற்றுப் படுகைகளில் இதுதான் இரண்டாம் நிலையில் உள்ள மிக சிறிய ஆற்றப்படுகை என்பதைத் தெரிந்து கொள்ளுங்கள். 

பறக்கும் சாம்பலும் பாதரசமும் (FLY ASH & MERCURY)

நிலக்கரிகளை கழுவிய வடிவாகும் வெளியாகும் கழிவுநீர் மற்றும் தொழிற்சாலைகளின் பறக்கும் சாம்பல் (FLY ASH)  ஆகியவை ஆற்றுநீரில் கலந்துள்ளது மட்டுமல்ல, மேலும் இதில் பாதரசத்தின் அளவு கூடுதலாக உள்ளது என்று கண்டறிந்துள்ளார்கள் ஆராய்ச்சியாளர்கள். 

பரவனாறு ஆறு, தெர்மல் பவர் பிளாண்ட், மற்றும் அணுசக்தி உற்பத்தி தொழிற்சாலைகளில் இருந்து வெளிவரும் பறக்கும் சாம்பல், கழிவுநீர் ஆகியவை, பரவனாற்று நீரை வெகுவாக மாசு படுத்தி உள்ளது. 

அதிக மழை பெறும் பகுதி (HIGH RAINFALL AREA)

நெய்வேலி டவுன்ஷிப், குறிஞ்சிப்பாடி, நெல்லிக்குப்பம், கம்மாபுரம், வடலூர், கருங்குழி, காட்டுக்கூடலூர், ஆலயமாதேவி, எளம்பூர், குள்ளஞ்சாவடி, மற்றும் புவனகிரி ஆகிய ஊர்கள் பரவலாக ஆற்றின் படுகையில் அமைந்துள்ளன. இந்த படுகைப்பகுதி அதிகமான மழை பெறும் பகுதி என்பது குறிப்பிடத்தக்கது இங்கு கிடைக்கும் ஆண்டு சராசரி மழையின் அளவு 1197.7 மில்லி மீட்டர். 

பரவனாறு மற்றும் உப்பனாறு (PARAVANARU & UPPANARU)

இந்த ஆற்றுப்படைகையின் மேல் பகுதி பரவனாறு ஆற்றிலும் கீழ்ப் பகுதி உப்பனாற்றிலும் வடிகிறது. பரவஇன் படுகைப் பரப்பு 435.01 ச.கி.மீ.,  உப்பனாற்றின் படுகைப்பரப்பு 437.32 சதுர கிலோமீட்டர், இதன் மொத்த பரப்பளவு 872.34 ச.கி.மீ.

நெய்வேலி நிலக்கரி கார்ப்பரேஷன் சுரங்கங்கள் மூன்றும் இந்த ஆற்றுப் படுகைக்கு உள்ளாகவே அமைந்துள்ளன. இந்த சுரங்கங்களில் இருந்து வெளியேறும் தண்ணீர் பெருமாள்ஏரி, மற்றும் வாலாஜா ஏரியில் சேகரிக்கப்பட்டு, விவசாயத்திற்கு பயன்படுத்தப்படுகிறது. 

வாலாஜா மற்றும் பெருமாள் ஏரி (WALAJA & PERUMAL LAKES)

சுரங்கத்தில் இருந்து வரும் தண்ணீர் என்பதால் இது நிலத்தையோ பயிர்களையோ பாதிப்பதில்லை என்றும் கண்டறிந்துள்ளார்கள். பரவனாற்றின் படுகைப் பரப்பில் மொத்தம் 37 ஏரிகள் உள்ளன.

இந்தப் பகுதி ஏரிகள் மற்றும் குளங்களுக்கு எல்லாம் நெய்வேலி சுரங்க நீர் தான் வினியோகம் ஆகிறது. வாலாஜா மற்றும் பெருமாள் ஏரிக்கு வருஷம் 365 நாளும் தருவது, இந்த சுரங்க தண்ணீர் தான். 

பொங்குநீர்ஊற்று (ARTESIAN AQUFERS)

நெய்வேலி பகுதியில் இருப்பது ஆர்ட்டீசியன் அக்குஃபர் என்கிறார்கள். அப்படி என்றால் என்ன என்று தெரிந்து கொள்ள வேண்டும். நெய்வேலி சுரங்கங்களில் இருந்து இதன் மூலம் தான் அதிக தண்ணீர் கிடைக்கிறது.

பூமிக்கு அடியில் இருக்கும் நீர் அழுத்தத்தின் விளைவாக ஒரு சிறு துளை இருந்தாலும் அதன் மூலம் பீச்சி அடிப்பது தான் ஆர்ட்சியன் ஊற்று என்கிறார்கள். இதனை பொங்குநீர்ஊற்று.

ஆர்ட்டீசியன் ஊற்றுக்கள்பற்றி கூடுதலாக தகவல் ஏதும் உங்களுக்குத்  தெரியுமா ? 

GNANASURIA BAHAVAN D

gsbahavan@gmail.com

PERAMBALUR AND ARIYALUR RIVER MARUTHAIYAR - பெரம்பலூர் அரியலூர் மாவட்ட ஆறு மருதையாறு

 

TRAIN ACCIDENT IN MARUTHAIYAR RIVER

ஒரு சினிமாவில் “ஐயா என்னோட கிணற்ற காணோம் யாரோ திருடிட்டு போயிட்டாங்கய்யா.. நீங்கதான் கண்டுபிடிச்சு கொடுக்கணும்யா..” என்று காவல் நிலையத்தில் புகார் தருவார் வடிவேல்.

 

ஆறு போன இடம் தெரியலை.

அதுபோல பல ஊர்களில் இந்த ஆறு போன இடம் தெரியவில்லை என்று இயற்கை ஆர்வலர்கள் சொல்லுகிறார்கள். எனக்கு ஆச்சரியமாக இல்லை. இது காரணம் பல ஊர்களில் பல ஆறுகளில் இப்படிப்பட்ட நிலைதான் நிதர்சனமாக உள்ளது. ஆக்கிரமிப்பாளர்கள் எல்லோருக்கும் பச்சைக்கம்பளம் விரிப்பவை நீராதாரங்கள்தான், ஆறுகள், ஏரிகள், குளங்கள் மற்றும் குட்டைகள்தான். காரணம் யாரும் கேட்க மாட்டார்கள்.

 

பெரம்பலூரில் பாதி அரியலூரில் மீதி (PERAMBALUR AND ARIYALUR)

மருதையார் பெரம்பலூர் மாவட்ட ஆறு. இது ஓடும் தூரம் மொத்தம் 63 கிலோமீட்டர். இதில் 33 கிலோமீட்டர் பெரம்பலூர் மாவட்டத்திலும் 30 கிலோமீட்டர் அரியலூர் மாவட்டத்திலும் ஓடுகிறது.

 

குடிமராமத்தா அப்படின்னா ? (PEOPLE’S PARTICIPATION)

காலப்போக்கில் குடிமராமத்து,  மற்றும் அரசின் கடைக்கண் பார்வையும் இல்லாமல் போனதால் பல இடங்களில் மருதையாற்றில் செடி கொடிகளும் மரமட்டைகளும் வளர்ந்து மூடிவிட்டு போய் விட்டன.

இதுபோன்ற சிறுஆறுகள், மற்றும் ஆற்றின் வரத்துக் கால்வாய்கள், மற்றும் போக்குக் கால்வாய்களை தூர் எடுத்து சீர்படுத்தும் காரியங்களை வருஷா வருஷம் செய்ய வேண்டும். நமது தாத்தா பாட்டி காலங்களில் இதை அப்படித்தான் செய்தார்கள்.

 

இன்றும் கூட ஒன்றும் குடி முழுகி விடவில்லை. இந்த வேலைகளை எல்லாம் 100 நாள் வேலைத்திட்டத்தில் வேலை பார்க்கும் பெண்களைக் கொண்டு இதனை செய்ய முடியும். இந்த முடிவுகளை அந்தந்த மாவட்டங்களில் மாவட்ட ஆட்சித் தலைவர்களே முடிவு எடுக்கலாம். மனமிருந்தால் மார்க்கமுண்டு.

சீமைக்கருவை (PROSOPIS JULIFLORA)

இந்த ஆறு பல இடங்களில் அகலம் 10 மீட்டர் மட்டுமே இருந்தாலும் சில இடங்களில் 100 முதல் 100 மீட்டர் வரை பறந்து விரிந்து ஓடுகிறது

மருதையாற்றின் பிரச்சனைகள் பற்றி பட்டியலிடும்போது சீமை கருவை மரங்களையும் அதில் ஒன்றில் என பட்டியலிட்டு இருக்கிறார்கள்.

நம் சுய நலங்களுக்காக வரத்து கால்வாய்களையும் போக்கு கால்வாய் களையும் ஆக்கிரமிப்பதை விட சீமக்கருவையே மேல் என்கிறார்கள் பல இயற்கை நிபுணர்கள். சீமை கருவை தண்ணீரே குடித்து விடுகிறது அதனால் தான் வறட்சி ஏற்படுகிறது என்பதற்கு எவ்விதமான அறிவியல் ரீதியான ஆதாரமும் இல்லை என்று சொல்லுகிறார்கள்.

 

தீமை செய்யும் மரங்கள் (TREES ARE HARMLESS)

உண்மையாக உலகத்தில் தீமை செய்யும் மரங்கள் என்று எதுவும் இல்லை. சுய லாபங்களுக்காக இயற்கை வளங்களை சீரழித்து தீமை செய்யும் மனிதர்கள்தான் இருக்கிறார்கள்.

  

பத்து லட்சம் பேருக்கு சோறு போடுகிறது (FEEDS TEN LAKH PEOPLE)

“நெல்வயலில் ரோஜாவும் களைதான்” என்ற கவிஞர் கங்கை கொண்டான் கவிதை நினைவுக்கு வருகிறது.

மருதையாற்றில் வரும் தண்ணீர் சுமார் ஒரு லட்சம் விவசாயிகளுக்கு உதவியாக உள்ளது என்கிறார்கள். ஒருலட்சம் விவசாயிகளுக்கு உதவி என்றால் 10 லட்சம் பேருக்கு சோறு போடுகிறது என்று அர்த்தம்.

 

எறும்பூர கல் தேயும்.

மருதையாற்றின் வரத்து கால்வாய்களை போக்கு கால்வாய்களை மராமத்து செய்ய வேண்டி பல மனு தந்தும் எதுவும் நடக்கவில்லையாம்.

கவலை வேண்டாம் எறும்பூரா “கல் தேயும், அடி மேல் அடி அடித்தால் அம்மியும் நகரும். என்பது நான் உங்களுக்கு நினைவுபடுத்துகிறேன்.

இந்த ஆற்றில் வரும் தண்ணீரால் நூற்றுக்கும் மேற்பட்ட கிராமங்கள் பயனடைகின்றன. 50க்கும் மேற்பட்ட ஏரிகள் மற்றும் குளங்கள் நீர்க்கொடை பெறுகின்றன.

 

தடுப்பணைகள்  நமது பொக்கிஷம் (CHECKDAMS OUR TREASURE)

இந்தப் பகுதி விவசாயிகள் தடுப்பணைகள் கட்டித் தரச் சொல்லியும் கேட்டிருக்கிறார்கள். சிறிய ஓடைகளுக்கு தடுப்பணைகள் பொக்கிஷம் மாதிரி. கிராமங்களில் உள்ள தடுப்பணைகளை பராமரிப்பதில் உண்மையாக அரசாங்கத்தை விட, உள்ளூர் மக்களுக்கு தான் பொறுப்பு அதிகமாக உண்டு என்பதை நான் உங்களுக்கு சொல்ல விரும்புகிறேன்.

இளைஞர்களுக்கு வேண்டுகோள் (REQUEST TO YOUTH)

கிராமங்களில் உள்ள இளைஞர்களுக்கு ஒரு வேண்டுகோளை நான் வைக்க விரும்புகிறேன். அன்பு கூர்ந்து உங்கள் கிராமங்களில் பாசன சங்கங்களை உருவாக்குங்கள். அதன் மூலம் உங்கள் ஓடைகளை கண்மாய்களை, ஏரிகளை, குளங்களை, மற்றும்  தடுப்பணைகளை பராமரிக்க நடவடிக்கை எடுங்கள்.

இது முடியும் (IT IS POSSIBLE)

உங்கள் கிராமங்களில் உள்ள 100 நாள் பணியாளர்களை இந்த வேலைகளை செய்ய எப்படி ஏற்பாடு செய்யலாம் என்பதை செய்யுங்கள். அதற்கு தீர்மானம் போடுங்கள் ஊராட்சியின் மூலமாக வட்டார அலுவலகங்களுக்கும் மாவட்ட ஆட்சித் தலைவருக்கும் கோரிக்கை வையுங்கள். இதனை சுலபமாக செய்யலாம்.

அதுபோல கிராம அளவில் ஊராட்சி அளவில் ஆறுகளில் ஓடைகளில் இருக்கும் ஆக்கிரமிப்புகளை அகற்ற பிரச்சனை இல்லாமல் நடவடிக்கை எடுங்கள்.

வெளியூரிலிருந்து வந்து உங்கள் பகுதியில் வேலை செய்யும் அதிகாரிகளை விட, இதைச் செய்வது உங்களுக்கு சுலபமானது.

இதற்கு வேறு வழிமுறைகள் எதேனும் உங்களுக்குத் தெரிந்தால் எனக்கு சொல்லுங்கள்.

GNANASURIA BAHAVAN D

gsbahavan@gmail.com