வேம்பு நூற்றுக்கணக்கான பூச்சிகளைக் கட்டுப்படுத்தும் - NEEM CONTROL HUNDREDS OF PESTS

      வேம்பு 
நூற்றுக்கணக்கான 
பூச்சிகளைக் 
கட்டுப்படுத்தும்

NEEM 
CONTROL
HUNDREDS OF 
PESTS

வேம்புவின் இலை, விதை, எண்ணெய், பிண்ணாக்கு, என அனைத்தும் பூச்சிகளை கட்டுப் படுத்தும். 122 விதமான பூச்சிகளை கட்டுப்படுத்தும் திறன் கொண்டது வேம்பு. இவற்றை பலவகைகளில் பயனபடுத்தும் முறை பற்றி பார்க்கலாம்.

1.1. இலைகள்

வீடுகளில் கொசுக்களை விரட்ட, உலர்ந்த வேம்பு இலைச்சருகுகளை பயன்படுத்தி புகை போடலாம். 

வேம்பு தழைகளை நிலத்தில் உரமாக இட்டு நூற்புழுக்களை கட்டுப் படுத்தலாம்.

உலர்ந்த வேப்பந் தழைகளை தானியக்  குதிர்களில் போட்டு வைத்தால், கூன் வண்டு, மற்றும் இதர வண்டுகளை கட்டுப் படுத்தலாம்.

வேம்பின் உலர்ந்த இலைகளைப் பொடி செய்து தூவுவதன் மூலம்  புரோடீனியா புழு, தென்னை ஓலைப்புழு, மற்றும் பயறு வகைகளைத் தாக்கும் வண்டுகளைத் தடுக்கலாம்.

1.2.இலைக்கரைசல்

வெண்டையைத் தாக்கும் வண்டுகள், இலைசுருட்டுப்புழு,  நெல் பச்சை தத்துப் பூச்சி, புகையான், சணல் பயிரைத்தாக்கும் வண்டுகள், மற்றும் கம்பளிப்புழுக்களைக் கட்டுப்படுத்தலாம்.

தயாரிப்பு

100 கிராம் வேப்பந்தழையை இடித்து அரைத்து கூழாக்கி 1 லிட்டர் தண்ணீரில் கரைத்து ஒரு இரவு முழுக்க வைத்திருந்து அடுத்தநாள் இக்கரைசலை வடிகட்டி அத்துடன் 4 மில்லி காதிசோப்புக் கரைசலை கலந்து பின் பயிர்களுக்குத் தெளிக்கலாம். 

1.3. வேப்பங்கொட்டைத்தூள்

 வேம்பு விதைகளை உலரவைத்து பொடித்து வைத்துக் கொண்டு விதைகளை சேமித்து வைக்கும் போது, இதனை கலந்து வைத்தால் பூச்சிகள் தாக்காது. இந்த விதைத்தூளை 200 கிலோ விதைகளுக்கு 2 கிலோ என்ற அளவில் கலந்து வைக்க வேண்டும்.

1.4. வேப்பங்கொட்டைச்சாறு

புகையிலைப் பயிரைத் தாக்கும் புரோடீனியா புழுக்களை இது சிறப்பாக கட்டுப்படுத்தும். உருளைக்கிழங்கைத் தாக்கும் அந்துப் பூச்சிகள் மற்றும் புரோடீனியா புழுக்களையும் கட்டுப்படுத்தும்.

தயாரிப்பு

வேடசந்தூர் புகையிலை ஆராய்ச்சி நிலையம் இந்த முறையை உருவாக்கியது.  இடித்து பொடிசெய்த வேப்பங்கொட்டைத் தூள்  250 கிராம்' ஐ ஒரு மெல்லிய துணியில் மூட்டையாக முடித்து 50 லிட்டர் நீரில் மூழ்கியிருக்குமாறு வைத்திருந்து அடுத்தநாள் சாற்றினை வடித்து எடுத்து புகையிலை நாற்றங்காலில் தெளிக்க வேண்டும். இந்த முறையில் புரொடீனியா புழுக்களை அற்புதமாக கட்டுப்படுத்தலாம்.

1.5. இரண்டாவது தயாரிப்பு முறை

வேப்பங் கொட்டைகளை உலர்த்தி பொடித்து 10 கிலோ எடுத்து 50 லிட்டர் நீரில் முக்கி 24 மணி நேரம் ஊறவைத்து அடுத்த நாள் கரைசலை வடிகட்டி 150 லிட்டர் நீர் மற்றும் 200 மில்லி டீப்பால் கலந்து பயிர்களில் தெளிக்கலாம்.

கத்தரி கம்பளிப்புழு, வெண்டை காய்ப்புழு, மிளகாய் இலைப்பேன் முருங்கையைத் தாக்கும் பழஈ, கத்தரி தக்காளி மிளகாயைத் தாக்கும் வெள்ளைஈக்கள் ஆகியவற்றை அற்புதமாகக் கட்டுப்படுத்தும். 

பூக்கும் அல்லது காய்பிடிக்கும் சமயம்; வேப்பங் கொட்டைக் கரைசலை தெளித்து பச்சைக்காய்ப்புழுக்களை தடுக்கலாம்.

1.6. குறுணை

சோளப்பயிரைத் தாக்கும் தண்டுப் புழுவைக் கட்டுப் படுத்த  இலைச்சுருளில் வேம்புக் குறுணைகளை இடவேண்டும்.

வேப்பங் கொட்டையினை பொடி செய்து அத்துடன் சைனா களிமண்  ( ஊhiயெ ஊடயல ) மற்றும் கருவைப் பிசின் சேர்த்து பிசைந்து குறுணைத் தயாரிக்கலாம்.

இதைத் தயாரிப்பதற்கென பிரத்தியேகமான இயந்திரங்கள் உள்ளன.

1.7.எண்ணெய்க்கரைசல் 

பயிர்களில் சாற்றை உறிஞ்சும் பூச்சிகளை இதன்; மூலம் சிறப்பாக கட்டுப்படுத்தலாம். 1990 -களில் பருத்தி சாகுபடியை சின்னாப்  பின்னமாக்கிய வெள்ளை ஈக்களை கட்டுப்படுத்த வரப்பிரசாதமாக இருந்தது வேம்பு எண்ணெய் கரைசல்தான்.

 

தயாரிப்பு

15 முதல் 20 மில்லி வரை வேம்பு எண்ணெயுடன் 1 லிட்டர் தண்ணீர்; மற்றும் 4 மில்லி காதிசோப்புக் கரைசல்; ஊற்றி நன்கு கலந்து பயிர்களில் தெளிக்கலாம்.

1.8. பிண்ணாக்கு

வேப்பம் பிண்ணாக்கு இட்ட வயல்களில் நூற்புழுக்கள் தலைவைத்தும் படுக்காது, பூச்சிகளின் நோய்களின் தாக்குதலும் அதிகம் இருக்காது.

கோதுமையில் வேர்முண்டுகளை ஏற்படுத்தும் நூற்புழுக்களையும் நெல் தோகைக்காம்பு அழுகல், தோகைக்காம்பு கருகல் நோய்களையும், எலுமிச்சை இலைகுடையும் புழுக்களையும் (LEAF MINERS) கட்டுப்படுத்தலாம்.

காய்கறிப் பயிர்களின் நாற்றங்கால்களை  அதிகம் தாக்கும் நூற்புழுக்களை கட்டுப்படுத்த 1 சதுர மீட்டருக்கு 25 கிலோ மக்கிய தொழுஉரத்துடன் 100 கிராம் வேப்பம்பிண்ணாக்கை கலந்து மண்ணில் தூவ வேண்டும்.

1.9. வேம்பினால் கட்டுப் படுத்தப்படும் முக்கிய பூச்சிகள்

நெல்லைத் தாக்கும் நூற்புழுக்கள்,  புகையான்,  தத்துப்பூச்சி  இலை சுருட்டும்புழு, கதிர்வெட்டும்புழு,  முள்வண்டு,  மற்றும் கதிர்நாவாய்ப் பூச்சிகள். சோளத்தைத் தாக்கும் அசுவணி,  குருத்துஈ,  தண்டுப்புழு,  மற்றும் கதிர்ப்புழு. மக்காச் சோளத்ததைத் தாக்கும் கதிர்ப்புழு மற்றும் படைப்புழு பருத்தியைத் தாக்கும் படைப்புழு,  மற்றும் நாவாய்ப்பூச்சிகள், புகையிலையைத் தாக்கும் புரோடீனியா, மொட்டுப்புழு மற்றும் கொம்புப்புழு.காய்கறிப் பயிர்களைத் தாக்கும் இலைகுடையும் புழுக்கள், முட்டைக் கோசை தாக்கும் புழுக்கள், கத்தரி வண்டுகள், தர்பூஸ்பழ புழுக்கள், பீன்ஸ் அசுவணிகள், உருளைக்கிழங்கு புழுக்கள், வண்டுகள், வெண்டை இலைசுருட்டும்புழு, கொண்டைக்கடலை பச்சைப்புழு, துவரை காய் துளைக்கும் புழுக்கள், மற்றும் ஆமணக்கு கம்பளிப்புழுக்கள்.

பொதுவாக இதர பயிர்களைத் தாக்கும் பாலைவன வெட்டுக்கிளிகள்,    ஜப்பானிய வண்டுகள், புள்ளிவண்டுகள், மற்றும் ஒரு வகை நத்தை.

இப்படி பலவகைப் பூச்சிகளையும் கட்டுப்படுத்தும் சக்தி; கொண்டது வேம்பு.

1.10. எப்படி கட்டுப்படுத்துகிறது ?  

பூச்சிகளைக் கட்டுப் படுத்த பல ஆயுதங்களை தன் கைகளில் வைத்துள்ளது வேம்பு.

என்னென்ன வழிகளில் பூச்சிகளை கட்டுப்படுத்துகிறது என்பதைப்   பார்க்கலாம்.

வேம்பின் வாடை அல்லது நாற்றமே பல பூச்சிகளை பயிர்களிடம் அண்டவிடாது. 

சிலவகை பூச்சிகளுக்கு வேம்பின் கசப்பு ருசி பிடிக்காது, இதனால் வேம்பின் கரைசல் (அ) தூள் தூவப்பட்ட பயிர்ப்பாகங்களில் பூச்சிகள் வாயினை வைக்காது.

வேம்பின் கசப்பு சுவையை மீறி பூச்சிகள் தின்றுவிட்டாலும், அவை சுலபமாக சீரணம் ஆகாது, பூச்சிகளுக்கு வயிற்றுக் கோளாற்றை ஏற்படுத்தி மேலும் சேதம் விளைவிக்க முடியாதபடி செய்துவிடும்.

வேம்புப் பொருட்கள் சாப்பிட்ட புழுக்கள் தோலுரிக்காது. இதனால் அவை முழு வளர்ச்சி அடைய முடியாது. சிலவகை பூச்சிகளின் இளம் குஞ்சுகள் மறித்துவிடும். 

 

புழுக்களின் பூச்சிகளின் உடலின் உள்ளும் புறமும் எதிர்பாராத மாற்றங்களை உருவாக்கி மரணபயம் ஏற்படுத்திவிடும்.

சில வகைப் பூச்சிகளில் வேம்பு குடும்பக் கட்டுப்பாட்டை செய்துவிடும். வளர்ந்த பூச்சிகளாக இருந்தாலும் அவற்றால் இனவிருத்தி செய்ய முடியாது.

பூச்சிகளின் முட்டைகள் மீது வேம்புப் பொருட்கள் பட்ட மாத்திரத்தில்   உள்ளிருக்கும் கரு உபயோகமற்றதாகிவிடும். முட்டைகள் பொறிப்பதும் குஞ்சுகள் வெளிவருவதும் கேள்விக்குறி ஆகிவிடும்.

இதனால் பூச்சிகளுக்கு இனப்பெருக்கம் என்பது இம்சையாகிவிடும்.

FOR FURTHER READING

ON RELATED TOPICS

1. உயிரியல் வழி  பயிர்பாதுகாப்பு  - BIOLOGICAL CONTROL OF  PESTS / Date of Posting : 14.07.2019/ https://vivasayapanchangam.blogspot.com/2019/07/biological-control-of-crop-pests-by-d.html

2. பூச்சிகளை  கட்டுப்படுத்தும்  கண்ணிப் பயிரும்   விளக்குப் பொறியும்  -  TRAP CROPS  AND LIGHT TRAPS  TO CONTROL  CROP PESTS / Date of Posting : 15.11.2017/ https://vivasayapanchangam.blogspot.com/2017/11/organic-farming-trap-crops-light-traps.html

3. இயற்கை வழி  பயிர் டானிக் குணபஜலா - KUNABAJALA A CROP TONIC / Date of Posting : 14.11.2017/ https://vivasayapanchangam.blogspot.com/2017/11/organic-farming-kunapajala.html

4. பல பயிர்களில் பூச்சிகளை கட்டுப்படுத்த என் பி வி  வைரஸ்சை   பயன்படுத்துவது எப்படி ?    HOW TO USE  NPV VIRUS  TO CONTROL PESTS   IN MANY CROPS  ? / Date of Posting : 14.11.2017/

https://vivasayapanchangam.blogspot.com/2017/11/organic-farming-n-p-v-virus.html

5. மரங்கள் மற்றும்   பயிர்களின்   பாரம்பரிய   மருத்துவ நூல்                         விருக்ஷாயுர்வேதம் - VRIKSHAYURVEDH  INDIA'S TRADITIONAL  MEDICINAL BOOK  FOR PLANTS & TREES/ Date of Posting : 14.11.2017/

https://vivasayapanchangam.blogspot.com/2017/11/organic-farming-vrikshayurvetham.html

6. பயிர்களை பாதுகாக்கும்       வேர் உட்பூசணம்    என்னும் வேம்    EFFECTIVE PLANT PROTECTION   BY  V A M / Date of Posting : 14.11.2017/

https://vivasayapanchangam.blogspot.com/2017/11/effective-plant-protection-by-v-m.html

7. வசம்பு மூலம்   பயிர்பாதுகாப்பு   விதைநேர்த்தி  நோய்களிலிருந்து  பாதுகாக்கும்  -   VASAMBU   SEED TREATMENT   PROVIDES  RESISTANT TO   CROP DISEASES/ Date of Posting : 14.11.2017/ https://vivasayapanchangam.blogspot.com/2017/11/organic-farming-develop-resistance-to.html

8. மலைவேம்பு  காய்ப்பொடி  நூற்புழுக்களைக்   கட்டுப்படுத்தும் - MALAIVEMBU  CAN BE USED   TO CONTROL  NEMATODES / Date of Posting : 14.11.2017/

https://vivasayapanchangam.blogspot.com/2017/11/organic-farming-control-of-nematodes-by.html

9. சீத்தாமரத்தின்   இலை, கனி,   விதையும்     வேரும்கூட    பூச்சிகளை   கட்டுப்படுத்தும்    SEETHA TREES' LEAVES FRUITS  SEEDS AND ROOTS  CAN CONTROL CROP PESTS/ Date of Posting : 14.11.2017/

https://vivasayapanchangam.blogspot.com/2017/11/organic-farming-custard-apple-control.html

10. ராம்சீத்தா   சாறு உறிஞ்சும்   பூச்சிகளை   கட்டுப்படுத்தும்    RAMSEETHA  CONTROLS SAP SUCKING PESTS / Date of Posting : 13.11.2017/

https://vivasayapanchangam.blogspot.com/2017/11/organic-farming-ramseetha-control-crop.html

11. புங்கன் பிண்ணாக்கு   காப்பி தக்காளி பயிர்களில்   நூற்புழுக்களை   கட்டுப்படுத்தும்    PUNGAN OILCAKE   CONTROLS NEMATODES  IN TOMATO & COFFEE CROPS / Date of Posting : 13.11.2017/

https://vivasayapanchangam.blogspot.com/2017/11/organic-farming-plant-protection-by.html

12. தென்னையில்    வெள்ளை ஈக்களை   கட்டுப்படுத்த   என்ன செய்ய  வேண்டும் ?     HOW TO CONTROL   WHITE FLIES  IN COCONUT ? / Date of Posting : 02.11.2017/

https://vivasayapanchangam.blogspot.com/2017/11/organic-farming-coconut-white-flies.html

Authored By: Gnanasuria Bahavan, Editor, Vivasaya Panchangam, Expert in Agriculture, Conservation of Natural Resources, Development Communication & authoring books for the rural people.Phone:+91 8526195370, Email:gsbahavan@gmail.com