ROOFWATER HARVESTING QUESTIONS & ANSWERS கூரை நீர் அறுவடை சில கேள்விகளும் பதில்களும்

RAIN  HARVESTING POTS OF PAZHAVERKADU

கூரை நீர் 
அறுவடை
சில கேள்விகளும் 
பதில்களும் 

ROOFWATER 

HARVESTING

QUESTIONS  &

ANSWERS

(கேள்வி பதில்)

தே.ஞான சூரிய பகவான் B.Sc(Ag), M.A (jmc)

1. மழைக் காலத்தில் முதன்முதலாக
பெய்யும் நீரை சேகரிக்கக் கூடாது
என்கிறார்களே, அது ஏன் ..? 

மழை பெய்ய ஆரம்பித்ததும்,
முதல் 10 அல்லது 20 நிமிடங்களுக்கு
சேமிக்காமல் விட்டுவிடலாம்;
இதனால் கூரையில் ஏதாவது
அசுத்தம் சேர்ந்திருந்தால்,
அது தானாகக் கழுவிக்கொண்டு
போய்விடும் அல்லவா ..?

2. கூரைநீர் அறுவடை எந்தெந்த
பகுதிகளில் எல்லாம்
கடைபிடிக்கலாம் ..?   

உலகின் அதிக மழை பெறும் பெருமை
உடைய சிரபுஞ்சியில் கூட
மக்கள் கோடைக் காலத்தில்
ஒரு குடம் தண்ணீரை 10 ரூபாய்
விலை கொடுத்து வாங்குகிறார்கள்.
இப்போது நீங்களே சொல்லுங்கள்,
‘கூரைநீர் அறுவடை எந்தெந்த
பகுதிகளில் எல்லாம் கடைபிடிக்கலாம் ..?’

3. மழை அறுவடையில் எத்தனை
முறைகள் உள்ளன...?  

இன்று இயற்கையான நீர் ஆதாரங்களில்,
செயற்கையான தொட்டிகளில்,
நிலத்தடியில் உள்ள மண் கண்டத்தில்,
வீடுகள் அல்லது இதர கட்டிடங்களின்
கூரைகளின் மூலம்,  என நான்கு
முறைகளில் மழை அறுவடை செய்யலாம்.

4. பயன்படும் வகையில் மழைநீர்
அறுவடையை எத்தனை
வகைகளில் பிரிக்கலாம் ..?  

இரண்டு வகைகளில்.   ஒன்று உடனடியான
உபயோகத்திற்கு, இரண்டு,
நிலத்தடியில் சேகரித்து
எதிர்காலத்தில் பயன்படுத்து வதற்கு.

5. கூரை நீரை அறுவடை செய்வதால்
கிடைக்கும் பயன்கள் யாவை ..?  

பணம் மிச்சம்; மின்சாரம் மிச்சம்.
பெண்களின் பெண் குழந்தைகளின் உழைப்பு மிச்சம்.
படும் மன உளைச்சல் மிச்சம்.
தண்ணீரினால் பரவும் நோய்களுக்காக
செய்யும் செலவு மிச்சம்.
நமக்குத் தெரியாமல் அதிகப் படியாய்
கலந்திருக்கும் குளோரின், புளோரின்,
இதர கனரக உலோகங்களினால் ஏற்படும்
உடல் உபாதைகளைத் தீர்க்க
செய்யும் செலவு மிச்சம்.

6. எங்கெல்லாம் கூரை நீரை
அறுவடை செய்யலாம் ?

குன்றிருக்கும் இடங்களில் எல்லாம்
குமரன் இருப்பான். அது போல கூரை
 இருக்கும் இடமெல்லாம் மழை நீரை
அறுவடை செய்யலாம்.
இது தனியார் வீடுகள், அரசு மற்றும்
தனியார் அலுவலகக் கட்டிடங்கள்,
தொழிற் கூடங்கள, பள்ளிக் கூடங்கள,
 கல்லூரிகள், பல்கலைக் கழகங்கள் -
இப்படி எல்லா கட்டிடக் கூரைகளிலும்
மழை அறுவடை செய்யலாம். அவர்கள்
தண்ணீருக்காக செய்யும் செலவு மிச்சம்.
 குறிப்பாக அங்கிருக்கும் கழிவறைகளை
 சுத்தமாக பராமரிக்க முடியும்.
பொது மக்கள் வந்து செல்லும்
அலுவலகங்களில் (மாவட்ட
ஆட்சித்தலைவர் அலுவலகங்கள் உட்பட)
 உள்ள கழிப்பறைகளில் உள்ளே
நுழைய முடிவதில்லை.
இதற்கெல்லாம் தீர்வு மழைநீர்
அறுவடை ஒன்றுதான்.

7.அறுவடை செய்யும்
மழை நீரின் கார அமிலத்தன்மை
எப்படி இருக்கும்  ..?  

அறுவடை செய்த நீர்  காரத்தன்மை
இல்லாமல், (ZERO HARDNES)
நடுநிலையான கார அமிலத் தன்மையுடன்
(NATURAL PH) இருக்கும். இதனை வீடுகளில்,
தொழிற்சாலைகளில்,
இதர நிறுவனங்களில்
அப்படியே பயன்படுத்தலாம்.
சில இடங்களில் லேசான
அமிலத் தன்மையுடன் இருக்கும்.

8. கூரைநீர் அறுவடையை
நகர்ப்புறத்தில் செய்வதால்
என்ன மாற்றம் நிகழும் ..?   

வெள்ள அபாயம் குறையும்.
குடிநீர் பிரச்சனை தீரும். குடிநீருக்காக
செய்யும் செலவு மிச்சப்படும்;
நீர் எடுப்பது, விநியோகம் செய்வது,
ஆகியவற்றிற்கு செலவு செய்யும்
மின்சாரம்  மற்றும் எரிபொருள்
மிச்சமாகும்.  பெண்களுக்கும்,
பெண் குழந்தைகளுக்கும் வேலைப் பளு
மிச்சமாகும். பொது மக்கள் அதிகம் வந்து
 செல்லும் அலுவலகங்களில் உள்ள
கழிப்பறைகளில் தைரியமாக உள்ளே
நுழைய லாம். ஊராட்சி, நகராட்சி,
மற்றும் மாநகராட்சிகளின் குழாய்
நீருக்காக நீண்ட வரிசைகளில்
தாய்மார்கள் குடங்களுடன்
காத்திருக்க வேண்டாம்.
குற்ற உணர்ச்சி இல்லாமல்
 செடிகளுக்கு நீர் ஊற்றலாம்;
சைக்கிள் கழுவலாம்; டுவீலர்
கழுவலாம்;மற்றும் கார் கழுவலாம்.

9.வெளி நாடுகளில் மழை நீரை
அறுவடை செய்து
பயன்படுத்துகிறார்களா ?

சீனா, அர்ஜென்டினா, பிரேசில் ஆகிய
 நாடுகளில் மழை நீரை சேமித்து குடிக்க,
குளிக்க, துவைக்க, சமைக்க,
கழுவ, செடி வளர்க்க என்று
பயன்படுத்துகிறார்கள்.

10. இஸ்ரேலில் அதிகம்
மழை நீரை அறுவடை செய்து
பயன்படுத்துவதாகச் சொல்லுகிறார்களே ?

ஆமாம், இஸ்ரேல் நாட்டினர்
பயன்படுத்தும் மொத்த நீரில் 10 முதல்
12 சதவிகித நீர் மழை நீரை
அறுவடை செய்தது.
உலகிலேயே மழை நீரை சேமித்து
பயன்படுத்துவதில் முதல் நிலையில்
இருப்பவர்கள் தாய்லாந்து நாட்டினர்.
இவர்கள் 40 சதவிகிதம் பேர் மழை நீரை
பயன்படுத்துகிறார்கள்.

FOR FURTHER READING LIST

FROM VIVASAYA PANCHANGAM

1. பழவேற்காடு பகுதியில் பாரம்பரிய கூரைநீர் அறுவடை  -  TRADITIONAL ROOF WATER HARVESTING IN PAZHAVERKADU – Date: 21.12.2019 

2. பள்ளிக்கூடங்களில்   மழைநீர் சேகரிப்பு - RAINWATER HARVESTING IN SCHOOLS  - Date: 19.12.2019/ 

3. மழைநீர்   சேகரிக்க  சில வழிமுறைகள்    - RAINWATER   HARVESTING  - TEN GUIDELINES – Date:19.12.2019 / 

4. தண்ணீரினால்  பரவும்  நோய்கள் -  WATERBORNE  DISEASES – Date of Posting: 19.12.2019/

5. மழைநீரை சுத்தம் செய்வது      எப்படி ?    HOW TO CLEAN  RAINWATER TO DRINK ? Date of Posting: 18.12.2019/ 

6. இன்று ஒரு  குறுஞ்செய்தி - கூரைநீர்  அறுவடை - NEWS TODAY - ROOFWATER  HARVESTING / Date of Posting: 13.08.2019/ 

7. சென்னையில் மழை அறுவடை  விழிப்புணர்வு - ROOFWATER HARVESTING AWARENESS PROGRAMME IN CHENNAI - Date of Posting: 07.07.2019/ 

8. மழைநீரை  சேகரித்து      சுத்தம் செய்து      குடிக்கலாம்  -   RAINWATER HARVEST CLEAN DRINK/ Date of Posting: 20.08.2017/ 

9. 38000 கோவில்களில்   மழை அறுவடை செய்ய   அரசுக்கு கோரிக்கை !    38000 TEMPLES  NEED    RAINWATER HARVEST / Date of Posting: 12.08.2017/ 

10. இஸ்ரேல்  நாட்டின்  மழை அறுவடை   வாத்தியார்  -   RAIN MAN OF ISRAEL/ Date of Posting: 07.07.2019/ 

11. உங்கள் வீட்டு  கூரை மூலம்  30000 லிட்டர் நீரை அறுவடை செய்யலாம்  - ROOF WATER HARVEST  YOU  CAN DO IT / Date of Posting: 27.02.2020/ 

12. மழைநீரை  சுத்தப்படுத்த பிளீச்சிங் பவுடர்  CLEAN RAINWATER  BY BLEACHING POWDER / Date of Posting: 19.12.2019/

9999999999999999999999999999999